Toulouse, i sapo promovuar në Ligue 1, fitoi Kupën e Francës duke i mbyllur llogaritë e finales që në pjesën e parë. Ekipi i drejtuar nga tekniku Philippe Montanier kryesoi 4-0 në pjesën e parë, falë dygolëshave të Costa dhe Dallinga. Nantes shënoi në minutën e 75-të, pasi Blas realizoi me anë te një 11-metërshi, por Aboukhlal katër minuta më pas fiksoi rezultatin përfundimtar 5-1.
Fituesit të Kupës duhet t’u garantohet një vend në Europa League, por një ka një problem: “Klubi është në pronësi të të njëjtit aksioner (RedBird) si dhe AC Milan, ndaj rrezikon të privohet nga pjesëmarrja në kupat evropiane nëse italianët kualifikohen në Champions League ose Europa League”, shkruan L’Equipe.
Megjithatë, Damien Comolli , presidenti i Toulouse, është i bindur se ekipi i tij do të marrë licencën e UEFA-s dhe do të mund të luajë në turneun e dytë më të rëndësishëm të futbollit europian, me disa sinjale pozitive nga Federata Franceze e Futbollit.
“Ne i kemi dërguar të gjitha dokumentet Federatës Franceze të Futbollit për të marrë licencën e UEFA-s. Kemi pasur gjithashtu diskutime me Federatën, e cila na tha se i kemi absolutisht të gjitha kushtet. Nëse UEFA ka ndonjë pyetje për ne, ne do të jemi pranë tyre”,- tha Damien Comolli, sipas burimit të cituar.
RedBird Capital Partners është një kompani amerikane, që bleu klubin AC Milan në gusht 2022, për 1.2 miliardë euro. Dy vite më parë, RedBird bleu edhe 85% të aksioneve të klubit francez të Toulouse.
Me gjashtë raunde para përfundimit të sezonit, AC Milan aktualisht është në vendin e 4-të në Serie A, i fundit që siguron kualifikimin në Champions League. Kuqezinjtë janë kualifikuar edhe për në gjysmëfinalen e UCL, ku do të përballen me rivalin e tyre të madh të Interit.
Për Toulouse ky është trofeu i parë i madh në historinë e klubit. Është gjithashtu diferenca më e madhe e rezultateve në një finale të Kupës së Francës, që nga viti 1970 e deri më tani, shkruan BBC Sports.
Toulouse, i sapo promovuar në Ligue 1, fitoi Kupën e Francës duke i mbyllur llogaritë e finales që në pjesën e parë. Ekipi i drejtuar nga tekniku Philippe Montanier kryesoi 4-0 në pjesën e parë, falë dygolëshave të Costa dhe Dallinga. Nantes shënoi në minutën e 75-të, pasi Blas realizoi me anë te një 11-metërshi, por Aboukhlal katër minuta më pas fiksoi rezultatin përfundimtar 5-1.
Fituesit të Kupës duhet t’u garantohet një vend në Europa League, por një ka një problem: “Klubi është në pronësi të të njëjtit aksioner (RedBird) si dhe AC Milan, ndaj rrezikon të privohet nga pjesëmarrja në kupat evropiane nëse italianët kualifikohen në Champions League ose Europa League”, shkruan L’Equipe.
Megjithatë, Damien Comolli , presidenti i Toulouse, është i bindur se ekipi i tij do të marrë licencën e UEFA-s dhe do të mund të luajë në turneun e dytë më të rëndësishëm të futbollit europian, me disa sinjale pozitive nga Federata Franceze e Futbollit.
“Ne i kemi dërguar të gjitha dokumentet Federatës Franceze të Futbollit për të marrë licencën e UEFA-s. Kemi pasur gjithashtu diskutime me Federatën, e cila na tha se i kemi absolutisht të gjitha kushtet. Nëse UEFA ka ndonjë pyetje për ne, ne do të jemi pranë tyre”,- tha Damien Comolli, sipas burimit të cituar.
RedBird Capital Partners është një kompani amerikane, që bleu klubin AC Milan në gusht 2022, për 1.2 miliardë euro. Dy vite më parë, RedBird bleu edhe 85% të aksioneve të klubit francez të Toulouse.
Me gjashtë raunde para përfundimit të sezonit, AC Milan aktualisht është në vendin e 4-të në Serie A, i fundit që siguron kualifikimin në Champions League. Kuqezinjtë janë kualifikuar edhe për në gjysmëfinalen e UCL, ku do të përballen me rivalin e tyre të madh të Interit.
Për Toulouse ky është trofeu i parë i madh në historinë e klubit. Është gjithashtu diferenca më e madhe e rezultateve në një finale të Kupës së Francës, që nga viti 1970 e deri më tani, shkruan BBC Sports.
