Ambasadori francez: Të gjithë kanë parë tifozët shqiptarë duke vallëzuar në rrugët e Marsejës
Imazhi i Shqipërisë në sytë e francezëve është tashmë krejt tjetër. Tifozëria shqiptare në rrugët e Parisit, Marsejes e qyteteve të tjera franceze ku po zhvillohet kampionati evropian, e ka ndryshuar imazhin negativ që kishin francezët për shqiptarët. Ambasadori francez në Tiranë, Bernard Fitoussi, tha sot nga Berati se imazhi i Shqipërisë ka ndryshuar pozitivisht falë tifozërisë dhe kombëtares shqiptare.
“Francezët kanë ngelur shumë të surprizuar nga tifozeria shqiptare. Ishte shumë e ndryshme nga ajo se çfarë pamë disa ditë më parë. Të gjithë kanë parë tifozët shqiptar duke vallëzuar në rrugët e Marsejës. Imazhi i Shqipërisë ka ndryshuar në dy drejtime. E para ju jeni tifozeri fantastike dhe e dyta keni një ekip të mrekulleshëm”
Deklaratat e ambasadorit Francez u bë gjatë prezantimit të projektit “Integrimi i gruas në tregun e punës”, ku nëpërmjet degës së Beratit qindra gra dhe vajza në nevojë do të përfitojnë pregatitje profesionale në rrobaqepsi dhe qendistari, por dhe mbështetje psikosociale.
Për të parë nga afër implementimin e këtij projekti nga Kryqi i Kuq, dega Berat në këtë qytet kanë qënë sot Ambasadori i Francës në Shqipëri Bernard Fitoussi dhe Presidenti i Kryqit të Kuq Shqiptar.
