Fitorja e Shqipërisë përballë Rumanisë në Kampionatin Europian të Francës ka bërë xhiron e Europës dhe botës, duke zënë titujt e faqeve të para të mediave prestigjioze.
Gazeta më e madhe sportive ‘Marca’ e Spanjës, shkruan se “Bota njeh Shqipërinë”.
Prestigjiozja franceze “France Football” shkruan se Shqipëria nuk u dorëzua pas dy humbjeve të para dhe pas fitores me Rumaninë është në garë për kalimin e grupit.
Francezja tjetër “L’Equip” shkruan “Shqipëria shpreson pas golit të Sadikut, Rumania eliminohet”.
“The Guardian” e hap me titullin “Shqipëria merr fitore historike, tashmë kualifikimin për në fazën e eliminimeve do të varet nga rezultat e ekipeve të tjera”.
BBC shkruan “Shqipëria çmendet për fitoren e parë në një turne madhor” ndërsa “The Sun” thekson “Ata bënë historinë”.
“Shqipëria në festë! Marrin fitoren e parë në Evropian”, është titulli i “Bild” pas fitores së Shqipërisë në Euro 2016 përballë Rumanisë.
Në Itali “La Gazzetta dello Sport”: “Rumani-Shqipëri vendos Sadiku. De Biasi shpreson për një raund të dytë”.
“Blick” shkruan se me golin e Sadikut dhe fitoren, Shqipëria mban shpresat për të shkuar në fazën tjetër.
Kanali i njohur sportiv ESPN shkruan: “Shqipëria është ende gjallë dhe shpreson tek kualifikimi”.
Nga ana tjetër, krijuesi i kolonës zanore të Europianit, David Guetta i ka bërë një tjetër dhuratë kombëtares shqiptare për fitoren e merituar. Ai ka postuar këngën me shtesën, ” This one’s for you Albania”.
