Detyrimi ligjor për të plotësuar formularin elektronik deri më 30 prill
Cdo qytetar që merr si të ardhura mbi 2 milion lekë në vit ka detyrimin ligjor që ti deklarojë ata pranë organeve fiskale deri më 30 prill. Për këtë qëllim plotësohet një deklaratë individuale vjetore në formë elektronike. Deklarimi vjetor i të ardhurave personale, sipas ligjit nr. 10343, datë 28.10.2010 “Për disa ndryshime në ligjin nr. 8438 ‘Për tatimin mbi të ardhurat’, datë 28.12.1998″, bën fjalë për detyrimin që kanë individët për të përgatitur dhe për të paraqitur deklaratën individuale vjetore të të ardhurave. Të ardhurat mbi 2 milionë lekë në një vit të plotë, janë detyrim për t’u deklaruar nga çdo qytetar shqiptar. Përveç tatimpaguesve me të ardhura mbi 2 milionë lekë, deklarata vjetore e të ardhurave mund të plotësohet edhe nga persona të tjerë, që vendosin të bëjnë deklaratën, megjithëse nuk kanë detyrimin ligjor për këtë, për arsye se duan të përfitojnë nga skema e shpenzimeve të zbritshme, e parashikuar në këtë ligj. Qytetarët që bëjnë deklarimin e të ardhurave, japing të dhëna për pagat, të ardhurat nga qeratë, të ardhurat nga depozitat apo dividentët etj. Përfitimet nga shpenzimet e zbritshme janë interesat bankare të kredisë për shkollim, për vete apo për fëmijët dhe personat në kujdestari dhe shpenzimet për mjekim, për vete apo për fëmijët dhe personat në kujdestari.
