Si thuajse çdo vit fishekzjarret vijojnë ende të vrasin. Këtë vit ngjarja fatale është shënuar në Kurbin ku një 16-vjeçar ka humbur jetën gjatë natës së ndërrimit të viteve.
Policia e Lezhës ka bërë me dije se 16-vjeçari me iniciale K. GJ, banues në Sanxhak – Kurbin kishte hipur në tarracë të shtëpisë për të ndezur fishekzjarre, dhe është gjetur më pas nga familjarët në tarracë , pa shenja jete me një dëmtim në kokë.
