Gjykata e Tiranës vendos masën e arrestit me burg për Avdjol Dobin, administratori i “DH. Albania”
Në sistemin TIMS Dobi nuk rezulton të jetë larguar nga Shqipëria por tre herë thirrjeve të prokurorisë për t’u paraqitur nuk i është përgjigjur.
Në ditët në vijim pritet të procedohen dhe persona të tjerë të përfshirë në çështjen e Unazës së re.
Pak ditë më parë Klodian Gradeci dhe Afrim Qendro, dëshmuan në prokurori për çështjen që vijon të hetohet nga organi i akuzës.
Më 22 janar Afrim Qendro u shkarkua nga posti i drejtorit të Autoritetit Rrugor Shqiptar, ndërsa në vendin e tij u emërua ish-Ministrja për Mbrojtjen e Sipërmarrjes, Sonila Qato.
Ish-kreu i ARRSH-së Afrim Qendro dhe ish-administratori i OST-së Klodian Gradeci, i cili ka qenë krahu i djathtë i ish-ministrit Gjiknuri, u përfshinë në skandalin e Unazës së Re, me firmën ‘DH Albania’.
Firma me anë të dokumenteve të falsifikuara, fitoi dy tendera me vlerë 30 milionë euro në fund të vitit të kaluar, 18 milionë për ndërtimin e lotit të parë te Unaza e Re nga ARRSH-ja.
Pas publikimit të skandalit, të dy tenderat u anuluan, ndërsa prokuroria ka nisur hetimet.
http://www.oranews.tv/article/firmohet-burgu-administratorin-e-dh-albania
