Aventura e Cristiano Ronaldos, në një shtet si Arabia Saudite nuk po ecën ashtu siç ai e kishte parashikuar.
Al Nassr, pavarësisht se ka marrë kampionin portugez, është në vendin e dytë në kampionat pas Al Ittihad të Xheda.
Ronaldo deri tani ka shënuar 11 gola në 11 ndeshje, por ekziston përshtypja që ambientimi i tij në botën arabe nuk po shkon siç duhet, kjo prej faktit se pavarësisht se mbretëria efuqishme e Lindjes së Mesme kërkon të afrohet me Perëndimin prap, diferencat në mentalitete janë të dukshme (dhe nuk duam të ofendojmë njeri).
Pas disfatës me Al Hilal në fakt tifozët e skuadrës kundërshtarë filluan të këndonin në kor emrin e Lionel Messit para tij pikërisht për të irrituar Ronaldon.
Portugezi, i nervozuar, edhe përgjatë 90 minutave të lojës, ju përgjigj duke prekur atributet (po, e lexuat mirë), një gjest që ka shkaktuar irritim në Arabinë Saudite. Tani Ronaldo rrezikon shumë.
Nouf bin Ahmed, avokat, docent, dhe këshilltar i Komisionit të Kombeve të Bashkuara në të drejtën tregtare ndërkombëtare, ka bërë të ditur se do ti prezantojë një peticion Ministrisë Publike të Arabisë Saudite për arrestimin dhe përjashtimin e Cristiano Ronaldos.
“Nuk e ndjek sportin. Publiku i Al Hilal provokoi Cristianon që nuk dinte si të përgjigjej. Sjellja e Cristianos përbën një vepër penale.
Një akt publik i paturpshëm, që është një nga krimet e dënueshme me arrestim dhe deportim jashtë vendit, nëse kryet nga një i huaj. Do ti prezantojmë një peticion Ministrisë Publike për këtë qëllim”, u shpreh bin Ahmed.
Një gjest i tillë, dënohet moralisht në botën perëndimore (mjafton të kujtosh që Zaniolo e bëri kundër tifozëve të Lazio-s e nuk rrezikoi aspak burgun) por në vende “tepër konservatore” si Arabia Saudite përbën vepër të dënueshme me ligj.
