Lidhur me skadencën e kontratave të shumë futbollistëve në 30 qershor, FIFA ka njoftuar se asnjë lojtar nuk mund të transferohet pa u mbyllur sezoni. Ideja e qeverisë botërore të futbollit është të ndalojë transferimet, duke zgjatur periudhën e kontratave aktuale derisa të kompletohen sezonet. Për ta bërë këtë, në fillim duhet të përcaktohet një datë e saktë se kur mund të nisë merkato.
Problemi më i madh ka të bëjë me dëshirën e futbollistëve dhe klubeve. Kjo do të thotë se asgjë nuk mund të pengojë një lojtar të vendosë që të largohet nga ekipi në fund të kontratës. I njëjti diskutim me klubet, që e kanë në dorë të vendosin nëse duan apo jo të vazhdojnë bashkëpunimin me vartësit e tyre, qoftë edhe për dy muaj.
