Për të dytën javë me rradhë, banorët e fshatit Kallm i Vogël në Fier kanë dalë në rrugë sëbashku me fëmijët e tyre duke kërkuar rregullimin e rrugës, raporton Ora News.
Ata thotë se e kanë të pamundur të arsimojnë fëmijët e tyre në rast se nuk shtrohet rruga kryesore.
“Askush nuk na ka takuar për të na dëgjuar apo dhënë zgjidhje problemit që kemi” thonë ata.
Banorët kanë nënshkruar një peticion me 290 firma, përmes të cilit kërkojnë ti jepet zgjidhje kësaj situate.
Në të kundërt, paralajmërojnë se do përshkallëzojnë protestat, duke bllokuar edhe punimet e TAP që kalon pranë banesave së tyre, apo dhe autostradën Lushnje-Fier.
300 nxenësit e shkollës nëntë vjecare kanë bojkotuar mësimin që prej të martës kur edhe nisi viti i ri shkollor, në protestë ndaj rrugës së dëmtuar prej 20 vjetësh.
