Policia e Fierit ka sekuestruar 402 kg lëndë narkotike Cannabis Sattiva, dhe ka vënë në pranga shtetasin Eltion Lama 25 vjeç nga Tepelena, i cili po transportonte drogën me një furgon tip “Opel Vivaro”.
Policia: “Gjatë ditës së djeshme, në rrugën nacionale , është bërë ndalimi i automjetit tip furgon (mallrash) Opel Vivaro, dhe nga kontrolli i ushtruar brenda në furgon janë gjetur dhe sekuestruar në cilësinë e provës materiale 402 kg lëndë narkotike e dyshuar Cannabis Sattiva.”
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve” dhe “Trafikimi i narkotikëve” i mbetur në tentativë, parashikuar nga Nenet 283/1, 283/a e 22 të Kodit Penal.
Ndaj 25 vjeçarit të arrestuar janë ngritur akuzat e prodhimit dhe shitjes së narkotikëve, si dhe trafikimi i narkotikëve.
Materialet për procedimin e mëtejshëm i kanë kaluar Prokurorisë pranë Gjykatës së Shkallës së Parë të Fierit.
