Fëmijët francezë nuk do mund të përdorin telefonat celularë në shkollë.
Vendimi është marrë nga ministri i arsimit Jean-Michel Blanquer.
Sipas ministrit një vendim i tillë do t’i mbrojë nxënësit nga sulmet e mundshme në internet.
Kjo masë do të zbatohet për fëmijët e shkollave fillore dhe të mesme, ndërsa zbatimi nis shtatorin e ardhshëm.
“Masa për celularët do nxisë fëmijët të luajnë jashtë gjatë pushimit por i mbron ata edhe nga sulmet kibernetike. Fëmijët nuk luajnë më në kohën e pushimit, ata qëndrojnë vetëm në smartfonat e tyre dhe nga pikëpamja arsimore është një problem. Është e rëndësishme që fëmijët nën moshën 7 vjeç të mos jenë para celularëve,” shprehet Blanquer.
Fëmijët nën moshën 13 vjeç e kanë tashmë të ndaluar të përdorin telefonat celularë në klasë, kufizimet e reja do pengojnë përdorimit gjatë pushimit të drekës dhe orarit të mësimit.
