Ky është momenti tronditës, një nënë emigrante është e detyruar të lajë fëmijën e saj foshnje në një pellg në qytetin kufitar grek të Idomenisë. Ky fëmijë ka lindur në Ferr, shkruan DailyMail sot duke ofruar këto pamje.
Disa mijëra emigrantë janë të mbërthyer rreth kufirit, ndërsa vendet e Ballkanit kanë mbyllur kufijtë për të parandaluar familjet e tyre nga vazhdimi i udhëtimit drejt veriut.
Nëna e ketij bebi është një nga rreth 14,000 njerëz të mbërthyer në anën greke të kufirit me Maqedoninë. Rreth 2,000 emigrantë në ditë po vijnë në Greqi, vetëm një pjesë e këtij numri qëndrojnë aty. Fotot e mëposhtme sjellin pamjet e kushteve ç’njerëzore në të cilën jetojnë fëmijët, ndërsa raportohet se të paktën 70 prej tyre janë dërguar në spital për shkak të problemeve shëndetësore./27.al/
