Grupimi “Vlerat e Shqipërisë” kanë vendosur fanellën e kombëtares me numër 10 të Armando Sadikut në kalanë e qytetit të Elbasanit. Ky futbollist është i vetmi nga Elbasani që është i grumbulluar për të luajtur në Euro 2016. Bëhet fjalë se bluza kuq e zi ka përmasa 6.3 metra e gjatë dhe 3.2 metra e gjerë, e cila është në pozicion të dukshëm për qytetarët e Elbasanit. Ideatori i kësaj ideje simbolike është aktivisti Rafael Shabani, i cili në rrejtin social Facebook shprehet: “ Në pamundësi për të shkuar në Francë, bëjmë që Franca të kthejë sytë nga ne”. Ky gjest simbolik i aktivistit nga Elbasani ka marrë jo pak vëmendje nga media shqiptare.
