Kompania ka mbi 300 milionë dollarë detyrime
Gjykata e Tiranës ka përcaktuar administratorin e përkohshëm në kompaninë e prodhimit të hekurit Kurum për te verifikuar nëse kërkesa për faliment e kompanisë qëndron. Vendin e Yusuf Sezai e ka zënë Lindita Kikino, një administratore e përkohshme deri sa gjykata të vendosë ose jo për falimentin e kompanisë. Kinkino është ngarkuar nga gjykata për të verifikuar nëse ekziston mundësia për vazhdimësinë e veprimtarisë së debitorit dhe për të hetuar e paraqitur para Gjykatës informacion financiar në lidhje me debitorin për sigurimin e pasurisë së luajtshme dhe të paluajtshme dhe likuiditetet. Ajo do të mbikëqyrë veprimtarinë e debitorit deri në marrjen e një vendimi nga Gjykata për hapjen, ose jo të procedurës së falimentimit. Sipas vendimit të gjykatës çdo disponim i pasurisë së debitorit Kurum do të kryhet vetëm me miratimin përfundimtarë të administrimit të përkohshëm.
Debitorët e Kurum detyrohen të lejojë administratorin e përkohshëm të inspektojë librat e llogarive dhe ti japë atij të gjitha informacionin e nevojshëm. Gjithashtu gjykata urdhëron të gjitha pezullimet e ekzekutimit të veprimeve përmbarimore.
Kurum, eksportuesi i dytë më i madhi në vend, shpalli falimentin për qëllim ristrukturimi në shkurt të këtij viti. Vlerësohet që kompania ka mbi 300 milionë dollarë detyrime.
