Banorët e Dushajt në Tropojë kanë dalë sot të protestojnë, për shkak se pranë ujësjellësit që furnizon familjet e tyre, do të ndërtohet një fabrike asfalto-betoni. Ata u kanë dërguar peticion autoriteteve shtetërore për të mos lejuar ndërtimin e kësaj fabrike me pretendim se ajo rrezikon shëndetin e tyre.
Sipas tyre punimet për të fabrikë do të ndërhyjnë në rrjetin e ujësjellësit dhe kanë rrezik që të ndotë ujin, të cilin ata pinë, prandaj kërkojnë anulimin menjëherë të këtij projekti. “Ministria e Mjedisit të mos e lejojë ngritjen e kësaj fabrike. Ngritja e saj rrezikon shëndetin tonë”, shprehen banorët e Dushajt. Bashkia e Tropojës shpronësoi dje 0.4 ha sipërfaqe pyjore për të garantuar ngritjen e fabrikës. Ajo do të ndërtohet 200 m larg ujësjellësit të zonës.
