Le të quhet Liga e Seviljas! Skuadra spanjolle dhe trajneri Lopetegui ka triumfuar në përballjen ndaj Interit të luajtur në Këln, me rezultatin 3–2, duke fituar trofeun e 6–të, në po kaq finale.
Një disfatë me përmbysje për zikaltërit e Kontes, të cilët e panë veten të parët në avantazh me anë të Lukakut, ndërkohë që dygolëshi i De Jong, përmbysi gjithçka në pjesën e parë, në minutat 12 dhe 33, vetëm 3 minuta zgjati festa e Seviljas në pjesën e parë, pasi Godin barazoi shifrat në minutën e 36.
Për golin e trofeut mendoi mbrojtësi Diego Karlos, me një roveshatë fantastike, i ndihmuar nga devijimi i Lukakut. E gjithë festa shkon për spanjollët, të cilët janë shndërruar në ekspertë të Ligës së Europës.
Final Time: Sevilja – Inter 3–2
De Jong 12′, 33′, Lukaku (autogol) / Lukaku 5′ (p), Godin 36′
https://www.youtube.com/watch?v=5m2I3zYfIdU
