Lyon ka fituar me përmbysje, 4-2 ndaj Romës, duke bërë një hap drejt çerekfinaleve të Europa League.
Roma e mbylli pjesën e parë në avantazh 2-1, pas golave të shënuar nga Salah dhe Fazio. Në pjesën e dytë francezët shënuan tre herë, me “yjet”e saj Toliso, Fekir dhe Laxazette, duke i shkaktuar skuadrës së drejtuar nga Spalletti, humbjen e katër në pesë ndeshjet e fundit. Takimi i kthimit do të luhet pas shtatë ditësh në “Olimpico”.
Në ndeshjet e tjera për 1/8-t e finaleve të Europa League, Genk fitoi 5-2 në fushën e Gent në derbin e Belgjikës.Në barazim 1-1 u mbyll “derbi” i tjetër i kësaj veprimtarie, ai mes Schalke dhe Borussia Monchengladbach. 1-1 u mbyll edhe Olympiacos-Besiktas, duke lënë gjithçka të hapuar për ndeshjen e kthimit në Stamboll.
