Kukësi është gati për të kërcyer sërish vallen e Kukësit në Europë. Kundërshtari i kuksianëve do të jetë nga Mali i Zi dhe pikërisht skuadra e Rudarit, e cila luhet ditën e enjte, në orën 19:00, do të zbresë përballe skuadrës sonë në stadiumin “Elbasan Arena”.
Kukësi tashmë me një valixhe me eksperiencë në kupat e Europës synon kualifikimin. Dhe për këtë trajneri Hasan Lika u ka kërkuar të tijve regjim maksimal. Ai e cilëson një skuadër që luan shpejt dhe fort. Dhe në këtë pikë është ndalur kreu i pankinës së verilindorëve.
Porta pritet që të mbrohet nga Koliçi. Ky i fundit do ta nisë nga minuta e parë, sipas të gjitha gjasave, ndërsa në mbrojtje do të rreshtohet Hallaçi, Mici nga krahët, Shameti,Malota.
Mesfusha do të përbëhet nga Musolli , Dema ose Muça, por deri tani është projektuar Dema, vijon me Kariokën dhe Dvornekoviç, ndërsa sulmi do t’i besohet dyshes Emini dhe Lukas Rangel.
Trajneri Lika u kërkoi lojtarëve që të ishin mjaft të përqendruar sidomos në stërvitje, të punonin më shumë, pasi ky takim do përcaktojë fatin e kualifikimit.
