Duke përfshirë ndeshjet ‘jozyrtare’, dy gjigantët e futbollit italian besohet se janë përballur mbi 300 herë, por vetëm katër nga takimet e tyre kanë qënë në Ligën e Kampionëve.
Të dy klubet janë sinonim i kompeticionit kryesor të Evropës për klube dhe secili do të kërkojë të kthehet në lavditë e kaluara, në vitin 2023.
Shtatë herë fituesit e Milanit nuk e ka ngritur trofeun që nga viti 2007, ndërsa Jose Mourinho ishte trajneri i fundit që udhëhoqi Interin drejt lavdisë evropiane në vitin 2010.
Special One theu një ters 45-vjeçar për Nerazzurrët, të cilët më parë e kishin fituar kompeticionin nën drejtimin e Helenio Herreras në 1965.
Paraqitjet aktuale të të dy klubeve të Milanos mund të mos jenë aq ‘grande’, as taktikisht revolucionare sa kuqezinjtë e Arrigo Sacchi-t, por ato janë të ashpra dhe tipike italiane. Me siguri do të jetë një spektakël në një nga amfiteatrot më të mëdhenj të futbollit kur protagonistët e Derby della Madonnina takohen në dy ndeshje (me 10 dhe 16 maj 2023).
Ja si kanë përfunduar duelet e tyre të kaluara në Champions League:
1, Milan 0-0 Inter – maj 2003
Takimi i parë në Champions League mes dy klubeve të Milanos ishte i paharrueshëm. Të dyja superfuqitë lombarede kaluan në final-four dhe një vend në finale ishte në linjë.
Milani ishte skuadra vendase për ndeshjen e parë dhe ajo që u prezantua para fansave të futbollit ishte një miks i cilësisë së mirë të “Calcio-s”.
2, Inter 1-1 Milan – maj 2003
Ndeshja e dytë ishte po aq e tensionuar sa e para, me trajnerin e Interit, Hector Cuper, duke e përqendruar edhe një herë vëmendjen e tij në anulimin e sulmit të Milanit që ishte në atë kohë, sulmi më i mirë në botë.
Ky ishte një derbi i vogël, por kishte gola në të dy skajet e fushës. Andriy Shevchenko shënoi një gol vendimtar si mysafir për kuqezinjtë pak para fundit të pjesës së parë, gjë që nënkuptonte se Interi duhej të shënonte dy herë për të kaluar.
Barazimi i Obafemi Martins në minutën e 84-të shënoi duke i dhënë një fije shpresë zikaltërve megjithaë, ishte Christian Abbiati ai që i mohoi Mohamed Kallonit shënimin e golit që do të kishte dërguar “Il Biscione” në finalen e Mançesterit.
Milani, i cili përparoi drejt finales në mënyrë të çmendur falë golave në fushë kundërshtare, mundi fituesin e Scudetto-s Juventus në finale me penallti, duke triumfuar për herë të gjashtë në finalen e Champions League.
3, Milan 2-0 Inter – prill 2005
Duket e pabesueshme por Milani i sezonit 2004-05 nuk e fitoi Scudetton atë sezon. Ata përfunduan në vendin e dytë, shtatë pikë larg fituesit Juventus. Eventualisht, skandali Calciopoli detyroi torinezët të hiqnin dorë nga kurora e tyre.
Megjithatë, kuqezinjtë ishin shumë lart në krahasim me rivalët e tyre të qytetit kur u takuan në çerekfinalet e Ligës së Kampionëve.
Superioriteti i tyre ishte i dallueshëm që në ndeshjen e parë, por të dy golat e tyre erdhën nga goditjet e lira, me Jaap Stam dhe Andriy Shevchenko që goditën saktë me kokë respektivisht, në fund të pjesës së parë dhe në fillim të fraksionit të dytë të lojës.
Interit mezi iu dha një nuhatje, që do të thoshte se ata kishin gjithçka për të bërë në ndeshjen e kthimit…
4, Inter 0-3 Milan – prill 2005
Një garë e famshme për foton ikonike (Materazzi e Rui Costa afër njëri-tjetrit).
Ishte e qartë që herët se Interi po përdorte “artet e errëta” në një përpjekje për të trembur fqinjët e tyre superiorë.
Marco Materazzi u përpoq të nxirrte Shevchenkon me të kuq që në start, kur ai bëri sikur u godit me kokë nga ukrainasi, por Sheva mbeti në fushë dhe realizoi përsëri ndaj “Nerazzurrëve”, në minutën e 30-të.
Interi i dëshpëruar, nuk kishte asgjë për të humbur duke goditur me breshëri Dida-n. Terreni i San Siros u mbulua nga shishe dhe flakadë pasi Esteban Cambiasso-s iu anulua një gol pa arsye.
Mes vonesës prej 20 minutash, Materazzi dhe Rui Costa pa e ditur qëndruan krah për krah me në sfond mjegullën e kuqe, për një moment që është rrënjosur në ndërgjegjen e futbollit që atëherë.
Arbitri Markus Merk u përpoq të rifillonte lojën, por anarkia vazhdoi në tribuna, gjë që detyroi garën të braktisej. Milani u shpërblye siç duhet me një fitore 3-0 dhe një triumf të përgjithshëm 5-0.
