Eurodeputeti i Agimit të Artë, Eleftherios Synadinos ka fyer turqit dhe për këtë, Presidenti i PE-së, Martin Schulz, kërkoi forcat e sigurisë për ta larguar nga salla
Presidenti i Parlamentit Europian, Martin Schulz, përjashtoi eurodeputetin e Agimit të Artë, Eleftherios Synadinos. Presidenti i PE-së mori këtë vendim për shkak të gjuhës së urrejtjes që përdori përfaqësuesi i shtetit grek kundrejt Turqisë, vend me të cilin Bashkimi Europian po negocion edhe marrëveshjen për emigrantët.
Synadinos u shpreh gjatë debatit në PE se “Turqit janë si qen të egër kur luajnë, por kur vjen puna që të përballen me kundërshtarët e tyre, ata largohen të frikësuar. E vetmja mënyrë me të cilën duhet të negociojmë me ta është me përmes qëndrimeve të ashpra dhe të palëkundshme”.
I detyruar nga ky fjalor Schulz kërkoi largimin e eurodeputetit, vendim që u mbështet edhe nga shumica e përfaqësuesve të sallës.
I gjendur nën presionin e kolegëve, Synadinos ka kërkuar që të marrë fjalën, por ka hasur në kundërshtinë e kryeparlamentarit Schuls, i cili tha se nuk do të linte kohë për debat mbi këtë çështje. Ky vendim nuk është pritur mirë as nga përfaqësuesit e tjerë helenë, në veprimet e të cilëve dukej qartësisht nervozismi.
Mëgjithatë, duke parë mosbindjen e eurodeputetit, Schulz tha se do të therriste forcat e sigurisë në rast se vendimi i marrë nuk do të respektohej. Pas përpjekjeve të shumta për të marrë fjalën, Synadinos largohet teksa do të jetë në pritje të një vendimi të mëtejshëm.
https://www.youtube.com/watch?v=yv_5v32Apkk
