Sonte në mbrëmje në orën 21:00 do të përballet Portugalia me Islandën. Këto skuadra bëjnë pjesë në Grupin F, përkatësisht grupi i fundit në renditje në Euro 2016.
Luzitanët të udhëhequr nga 3 herë fituesi i Topit të Artë janë mes skuadrave pretendente megjithëse kundër një kombëtareje me shum vlera si Islanda nuk do të jetë aspak e lehtë .
Trajneri i Portugalisë Santos pritet të vërë në zbatim skemën 4-4-2. Në portë do të jetë Rui Patricion, mbrojtja do të formohet nga Pepe, Bruno Alves, Cedric dhe Guerreiro. Mesfusha do të jetë e formuar nga Moutinho,Carvalho,Danilo dhe Silva. Pjesa ofensive e portugezëve do të kompletohet nga Luis Nani dhe nga kapiteni i kësaj skuadre Cristiano Ronaldo. Në bazë të formës fizike të Ronaldos varet e ardhmja e Portugalisë në këtë kompeticion.
Ndërkohë me të njëjtën skemë duket se ka zgjedhur dhe tekniku islandez i cili do të aktivizojë në portë Kristinsson. 4-shja difensive do të formohet nga Saevarsson,Arnason,R Sigurdsson dhe Skualson. Në mesfushë me shumë gjasa do të jenë Gudmundsson,Gunnarsson,Bjarnason dhe Gylfi Sigurdsson. Reparti ofensiv do të udhëhiqet nga Sigthorsson dhe Finnbogason.
Islanda në fazën kualfikuese ka treguar që mund të thyejë çdo kundërhstar , këtë fakt e di mirë Hollanda që u mposht 2 herë ndaj nordikëve.
