Ky në foto thuhet se është njeriu që i dha dorën e fundit Skënderbeut, duke e bindur me dëshminë e tij UEFA-n, për ta pezulluar skuadrën korçare nga aktivitetet europiane. Quhet Sin O’Nill dhe sezonin e shkuar ishte portjer i skuadrës veri-irlandeze, Krusaders, që u ndesh me kampionët tanë në turin paraeleminator të Europa League. Menjëherë pas ndeshjes, O’Nill e ka konsideruar ndeshjen të trukuar, madje në atë kohë ka bërë edhe një denoncim publik. Kështu, veç fakteve të tjera të mbledhura, UEFA e thirri edhe portjerin anglez për të dëshmuar. Flitet për takimin e Belfastit, të luajtur më 31 korrik 2015 dhe që përfundoi me fitoren 3-2 të vendasve. E veçanta është, që deri në të 92’, ndeshja ishte e fiksuar në 1-2 për Skënderbeun. Ndërkohë që nga zyrat e FSHF-së, çuditërisht nuk ka asnjë reagim, megjithëse për herë të parë janë dënuar për fiksim ndeshjes kampionët e vendit. Madje as edhe një rresht për informacion në faqen zyrtare të institucionit, përveçse deklaratave inkurajuese të drejtuesve të tij për ekipin Kombëtar.
