Deputeti i Partisë Demokratike, Belind Këlliçi ka komentuar deklaratën e zv.kryeministrit Arben Ahmetaj, i cili tha sot se në Shqipëri është ulur varfëria.
Në një postim në rrjetet sociale, Këlliçi kujton se Shqipëria ka borxhin më të lartë në rajon dhe ky është fakt.
Reagimi i plotë:
Paska thënë Ben Ahmetaj: Shqipëria e ka ulur varfërinë në raport me vendet e tjera me një shpejtësi shumë më të madhe.
Ke ulur varfërinë duke marrë borxh???!
Është në rregull ky? Nga cili satelit e shikon Shqipërinë? Me çfarë fluturon Beni?
Shqipëria ka borxhin më të lartë në rajon. Ky është fakt. Sikurse është e ditur se nuk ka shtëpi që mbahet me miell hua. Këtë borxh do e lajnë gjeneratat që vijnë pas; të rinjtë dhe të rejat shqiptarë.
Prandaj deklarata e tij, se “rinia nuk do të largohet më në 10 vitet e ardhshme”, është një tallje ndaj të rinjve dhe prindërve të tyre. Më shumë se kushdo, këtë tallje e vuajnë në kurriz ata 500.000 shqiptarë që lanë vendin e tyre këto 8 vite.
Në 24 orët e fundit 54 qytetarë kanë humbur jetën si pasojë e Covid. Ndërsa që nga fillimi i epidemisë janë regjistruar gjithsej 15682 vdekje.
Nga pacientët e intubuar, 314 (88.7%) janë të pavaksinuar ose pjesërisht të vaksinuar dhe 40 (11.3%) janë plotësisht të vaksinuar.
