“Më parë bëra një premtim për pistë të hedhjes me parashutë. Për 2018-n jam gati të vë bast se do të jetë viti i biçikletave. Do të kemi më shumë biçikleta edhe se Shkodra. Do kemi më shumë korsi të dedikuara dhe rreth 34 mijë biçikleta të tipit bike share. Këto biçikletave do të jenë për përdorim publik. Do të kenë një kosto më të ulët se sa një biletë autobusi. Ti do të kesh mundësi që ta lesh kudo edhe nëse s’ka stacion biçikletash sepse biçikletat do të jenë me GPS. Nëse ne do ulim përdorimin e makinës, do ulim ndjeshëm, ndotjen dhe do i japim më shumë oksigjen Tiranës”, tha Veliaj.
Veliaj ka zbuluar një tjetër surprizë lidhur me sheshin “Skënderbej” i cili është kthyer këtë vit vendi ideal për të realizuar një fotografi dhe për të pasur një kujtim me miqtë.
Tashmë qytetarët nuk do të duhen të bëhen merak nëse celulari i tyre nuk ka bateri, pasi Bashkia planifikon që të vendosen karikues pa qenë nevoja për t’u lidhur.
