Bashkia e Tiranës ka shpallur në ditët e fundit të vitit 2022 disa tendera për investime në rrugë, me vlerë totale disa dhjetra milionë euro. Një prej këtyre tenderave është ai për “Ndërtimi i trotuareve dhe riasfaltimi i rrugës “Myslym Shyri”, me fond limit 83.310.336 lekë të reja ose rreth 800 mijë euro. Procedura tenderuese pritet të përfundojë në 19 janar të vitit 2023.
Sipas asaj që thuhet në dokumentat e tenderit, Bashkia e drejtuar nga Erion Veliaj ka vendosur të kryejë investimin në trotuaret e një prej rrugëve kryesore të qytetit, e cila, në fakt, merr në mënyrë periodike qindra milionë lekë dhe sërish vlerësohet se ka nevojë për shuma kolosale monetare. Por, ajo që tërhoqi vëmendjen e redaksisë mbi këtë tender është diçka tjetër.
Ndërkohë që tenderi pritet të përfundojë pas tre javësh, “Gijotina.com” siguroi disa foto, në të cilat dallohet qartësisht se po kryen punime në trotuaret e rrugës “Myslym Shyri”. Kjo situatë krijon dyshime se procedura për riparimin e trotuareve të kësaj rruge mund të jetë tërësisht fiktive ose fituesi është paracaktuar dhe shpallur, ende pa u mbyllur tenderi.
Fotot që ngrenë dyshime
“Gijotina.com” ka realizuar disa foto këtë të Premte (dt.29.12.2022). Në këto foto dallohen qartësisht punonjësit e një kompanie private, të cilët po kryejnë punime në një pjesë të trotuarit, në rrugën “Myslym Shyri”.
Redaksia konstatoi gjithashtu gjurmët e punimeve të kryera së fundmi pak më lart nga vendi ku gjendeshin punëtorët, ndërkohë që në disa pjesë të tjera, ishin të dukshme pajisjet e punës dhe tubat e kabllot që janë gati për t’u shtrirë poshtë trotuarit të sapo-hapur.
Pamjet fotografike tregojnë qartësisht se në rrugën ‘Myslym Shyri” po punohet me trotuaret, ndërkohë që tenderi 800 mijë euro është ende në pritje të ofertave nga kompanitë private.
Çfarë thonë dokumentat e tenderit
Për të forcuar më tej dyshimet e redaksisë, është e nevojshme konsultimi me dokumentat e tenderit, të cilat tregojnë se ndërhyrja e parashikuar në trotuaret e “Myslym Shyrit”, do të jetë saktësisht të njëjta me ato që po ndodhin këto ditë, kur procedura e prokurimit publik ende nuk është përfunduar.
Sipas dokumentave, ndërhyrja do të sigurojë, ndër të tjera, shkarkimin e rregullt të ujërave në puseta, për të mos dëmtuar rrugën dhe asfaltin.
“Në këtë projekt zbatim do të realizohen shkarkimet me tubacionet e reja, të cilat do të depozitohen në puseta betoni në anë të objekteve dhe më tej do të shkarkojnë në linjën qëndrore të kanalizimeve të ujrave të bardha.
Në rrjetin ekzistues, janë sipas një hapi jo të rregullt, gjë që e bën të pamundur shkarkimin e çdo dalje në rrjetin ekzistues. Për këtë arsye, si edhe për të mos dëmtuar çdo pusetë të rrjetit, është menduar që 2-4 linja shkarkimi të lidhen paralel me njëra-tjetrën dhe, pasi përfundojnë në pusetë, të shkarkojnë në rrjetin ekzistues.
Ky sqarim teknik tregon se trotuaret e rrugës “Myslym Shyri”, jo vetëm do të riparohen, por edhe do të hapen kanale për rrjedhjen e ujrave. Pra, dokumentat e tenderit thonë saktësisht se do të bëhen pas 19 janarit 2023 as më pak e as më shume se sa është duke u punuar që në këto ditë dhjetori.
Milionat për trotuaret e “Myslym Shyrit”,
Trotuaret e rrugës “Myslym Shyri” prej vitesh po “hanë” miliarda lekë të qytetarëve shqiptarë. Kur Edi Rama ishte kryetar i Bashkisë së Tiranës, ai ndërmori një iniciativë për rregullimin e këtyre trotuareve.
Kjo punë rutinore publike u shoqërua me tam-tame propagandistike dhe kujtdo nga qytetarët e Tiranës u kujtohen “pllakat e kuqe”. Por, atyre pllakave u doli boja shpejt. Ato nisën të shkëputeshin lehtësisht nga toka, duke dëshmuar për punime pa cilësi dhe duke e shndërruar “Myslym Shyri-n” në një rrugë tërësisht të pakalueshme, sidomos në ditët me shi, ku askush nuk shpëtonte nga ndotja për shkak të lëvizjes së tyre.
Kjo situatë detyroi Ramën kryebashkiak që të zhvillonte një tjetër tender, një tjetër shpenzim kolosal fondesh, për të sistemuar pllakat e “Myslym Shyrit”. Vite më pas, kur Erion Veliaj mori mandatin e kryebashkiakut të Tiranës, iu rikthye sërish investimeve në këtë rrugë.
Në pranverën e vitit 2020, kur e gjithë shoqëria ishte e karantinuar nga Covid-19, Veliaj vendosi të shpenzonte disa miliona për këtë rrugë, duke hequr postet e parkimit, të cilat I shndërroi në rrugica për qarkullimin e biçikletave.
Tashmë, në fillim të vitit 2023, Veliaj i rikthehet sërish “Myslym Shyrit” për riparimin e trotuareve. Në dokumentat e tenderit nuk mungojnë as detaje specifike për rrugën e biçikletave, e cila u sistemua vetëm dy vite më parë.
Lexo edhe: Zjarr në banesën monument, a po përgatit Veliaj krimin e radhës?
Bashkia e Tiranës ka shpallur në ditët e fundit të vitit 2022 disa tendera për investime në rrugë, me vlerë totale disa dhjetra milionë euro. Një prej këtyre tenderave është ai për “Ndërtimi i trotuareve dhe riasfaltimi i rrugës “Myslym Shyri”, me fond limit 83.310.336 lekë të reja ose rreth 800 mijë euro. Procedura tenderuese pritet të përfundojë në 19 janar të vitit 2023.
Sipas asaj që thuhet në dokumentat e tenderit, Bashkia e drejtuar nga Erion Veliaj ka vendosur të kryejë investimin në trotuaret e një prej rrugëve kryesore të qytetit, e cila, në fakt, merr në mënyrë periodike qindra milionë lekë dhe sërish vlerësohet se ka nevojë për shuma kolosale monetare. Por, ajo që tërhoqi vëmendjen e redaksisë mbi këtë tender është diçka tjetër.
Ndërkohë që tenderi pritet të përfundojë pas tre javësh, “Gijotina.com” siguroi disa foto, në të cilat dallohet qartësisht se po kryen punime në trotuaret e rrugës “Myslym Shyri”. Kjo situatë krijon dyshime se procedura për riparimin e trotuareve të kësaj rruge mund të jetë tërësisht fiktive ose fituesi është paracaktuar dhe shpallur, ende pa u mbyllur tenderi.
Fotot që ngrenë dyshime
“Gijotina.com” ka realizuar disa foto këtë të Premte (dt.29.12.2022). Në këto foto dallohen qartësisht punonjësit e një kompanie private, të cilët po kryejnë punime në një pjesë të trotuarit, në rrugën “Myslym Shyri”.
Redaksia konstatoi gjithashtu gjurmët e punimeve të kryera së fundmi pak më lart nga vendi ku gjendeshin punëtorët, ndërkohë që në disa pjesë të tjera, ishin të dukshme pajisjet e punës dhe tubat e kabllot që janë gati për t’u shtrirë poshtë trotuarit të sapo-hapur.
Pamjet fotografike tregojnë qartësisht se në rrugën ‘Myslym Shyri” po punohet me trotuaret, ndërkohë që tenderi 800 mijë euro është ende në pritje të ofertave nga kompanitë private.
Çfarë thonë dokumentat e tenderit
Për të forcuar më tej dyshimet e redaksisë, është e nevojshme konsultimi me dokumentat e tenderit, të cilat tregojnë se ndërhyrja e parashikuar në trotuaret e “Myslym Shyrit”, do të jetë saktësisht të njëjta me ato që po ndodhin këto ditë, kur procedura e prokurimit publik ende nuk është përfunduar.
Sipas dokumentave, ndërhyrja do të sigurojë, ndër të tjera, shkarkimin e rregullt të ujërave në puseta, për të mos dëmtuar rrugën dhe asfaltin.
“Në këtë projekt zbatim do të realizohen shkarkimet me tubacionet e reja, të cilat do të depozitohen në puseta betoni në anë të objekteve dhe më tej do të shkarkojnë në linjën qëndrore të kanalizimeve të ujrave të bardha.
Në rrjetin ekzistues, janë sipas një hapi jo të rregullt, gjë që e bën të pamundur shkarkimin e çdo dalje në rrjetin ekzistues. Për këtë arsye, si edhe për të mos dëmtuar çdo pusetë të rrjetit, është menduar që 2-4 linja shkarkimi të lidhen paralel me njëra-tjetrën dhe, pasi përfundojnë në pusetë, të shkarkojnë në rrjetin ekzistues.
Ky sqarim teknik tregon se trotuaret e rrugës “Myslym Shyri”, jo vetëm do të riparohen, por edhe do të hapen kanale për rrjedhjen e ujrave. Pra, dokumentat e tenderit thonë saktësisht se do të bëhen pas 19 janarit 2023 as më pak e as më shume se sa është duke u punuar që në këto ditë dhjetori.
Milionat për trotuaret e “Myslym Shyrit”,
Trotuaret e rrugës “Myslym Shyri” prej vitesh po “hanë” miliarda lekë të qytetarëve shqiptarë. Kur Edi Rama ishte kryetar i Bashkisë së Tiranës, ai ndërmori një iniciativë për rregullimin e këtyre trotuareve.
Kjo punë rutinore publike u shoqërua me tam-tame propagandistike dhe kujtdo nga qytetarët e Tiranës u kujtohen “pllakat e kuqe”. Por, atyre pllakave u doli boja shpejt. Ato nisën të shkëputeshin lehtësisht nga toka, duke dëshmuar për punime pa cilësi dhe duke e shndërruar “Myslym Shyri-n” në një rrugë tërësisht të pakalueshme, sidomos në ditët me shi, ku askush nuk shpëtonte nga ndotja për shkak të lëvizjes së tyre.
Kjo situatë detyroi Ramën kryebashkiak që të zhvillonte një tjetër tender, një tjetër shpenzim kolosal fondesh, për të sistemuar pllakat e “Myslym Shyrit”. Vite më pas, kur Erion Veliaj mori mandatin e kryebashkiakut të Tiranës, iu rikthye sërish investimeve në këtë rrugë.
Në pranverën e vitit 2020, kur e gjithë shoqëria ishte e karantinuar nga Covid-19, Veliaj vendosi të shpenzonte disa miliona për këtë rrugë, duke hequr postet e parkimit, të cilat I shndërroi në rrugica për qarkullimin e biçikletave.
Tashmë, në fillim të vitit 2023, Veliaj i rikthehet sërish “Myslym Shyrit” për riparimin e trotuareve. Në dokumentat e tenderit nuk mungojnë as detaje specifike për rrugën e biçikletave, e cila u sistemua vetëm dy vite më parë.
Lexo edhe: Zjarr në banesën monument, a po përgatit Veliaj krimin e radhës?
