Pas largimit të Rey Manaj te skuadra e Frossinones, zikaltrit i kanë hedhur sytë tek mesfushori shqiptar që luan me skuadrën greke PAOK-n
Pas largimit të Rey Manaj, objektivi i Interit është tashmë mesfushori i kombëtares shqiptare, Ergys Kaçe i cili aktualisht aktivizohet me skuadrën Greke të PAOK. Lajmi është bërë i ditur sot nga “FcInterNews.it”. Sipas këtij portali, Interi e cilëson 22-vjeçarin si një ndër të rinjtë më të mirë në qarkullim.
Mesfushori shtatshkurtër pritet ta mbyllë këtë sezon me ekipin grek, ndërsa zikaltëtrit pritet të vihet qetësisht në lëvizje gjatë afatit kalimtar të verës.
Lidhur me çmimin e kartonit, drejtuesit e PAOK kërkojnë 4 milionë euro, por duke parë acarimet e kohëve të fundit mes lojtarit dhe drejtuesve të klubit, talenti shqiptar nuk ka ndërmend të rinovojë kontratën që i përfundon në qershor 2017.
