Pas dështimit të grushtit të shtetit Presidenti turk, Rexhep Taip Erdogan ka zbritur në Stamboll, ka ecur mes një turme të jashtëzakonshme njerëzish dhe më pas ka deklaruar për mediat:
“Bëhet fjalë për një sulm ndaj institucioneve të shtetit. Ky është një proces që zgjat për më shumë se 40 vjet, i organizuar brenda Forcave tona të Armatosura. Dëshironin të trondisnin stabilitetin e vendit. Përgjegjësit do të paguajnë këtë akt të lartë tradhëtie. Këta njerëz kanë tentuar të përdorin mjete të tjera për të na mundur, por ne kemi besuar në vlerat tona. Falenderoj Zotin që kjo tentativë dështoi nga kjo organizatë, nga këta persona. Dëshiroj t’u kujtoj këtyre personave që Turqia nuk është Turqia e njëherë e një kohe.
Dëshiroj t’u bëj një thirrje gjeneralëve të ushtrisë të respektojnë vlerat e Kombit. Brenda ushtrisë nuk është respektuar hierarkia. Ju jeni bijtë tanë, ju jeni ushtarët tanë, ndaj duhet të përgjigjeni, sepse nuk mundesini të na lini pa mbrojtje, por nëse ju guxoni të përdorni armët kundër Kombit, do të përballeni gjithmonë me qytetarët, me një pushtet që është më i fortë se ju.
Aeroporti “Ataturk”, ku unë zbrita ka qenë objekt sulmi i terroristëve përpara disa ditësh, por për fat të keq edhe i kësaj organizate që tentoi të kontrollonte aeroportin, në mënyrë që mos t’u lejonte qytetarëve të lëviznin lirisht.”
https://www.youtube.com/watch?v=sO0g09LfbNQ
