Presidenti turk Rexhep Tajip Erdogan ka shpërthyer në lot ndërsa mbante fjalim në funeralin e një miku të tij të vjetër në Stamboll të vrarë gjatë grushtit të shtetit dy ditë më parë.
Erol Olcak dhe djali i tij 16-vjeçar u qëlluan për vdekje në urën e Bosforit në qytet gjatë tentativës për grusht shtetit të së premtes.
Ata ndodheshin në urë për të protestuar kundër puçit të nisur nga një grup ushtarësh, raportojnë mediat lokale.
Erdogan foli përpara turmës së qindra vetëve duke bërtitur: “Allahu akbar, Zoti është i madh, dhe Erol ishte një nga miqtë e mi të vjetër”. 
Në pamundësi për të kontrolluar lotët e tij, Erdogan tha: “Nuk mund të flas më shumë, ngushëllime për kombin tonë. Zoti pastë mëshirë për shpirtin tonë”.
Olcak ka punuar me Erdogan dhe Partinë e tij për Drejtësi dhe Zhvillim AKP dhe është përshkruar si “truri” i fushatës presidenciale të Erdogan në vitin 2014 nga mediat turke. Miku i Erdogan, Erol Olcak
Në ceremoninë e zhvilluar në pjesën aziatike të vendit mori pjesë edhe ish-kryeministri Ahmet Davutoglu. Më herët ditën e sotme, Erdogan mori pjesë në funeralet e viktimave të tjerë në xhaminë Fatih.
Në total, 161 civilë dhe trupa u vranë sipas shifrave të publikuara nga qeveria.
https://youtu.be/yfc0MmM0QYQ
