Fëmijët janë më të prekur nga epilepsia, sëmundje neurologjike e shkaktuar gjenetikisht apo nga një dëmtim i trurit. Shenjat e para të kësaj sëmundjeje janë në mënyra të ndryshme, kryesisht krizat shfaqen brenda 12 viteve të para të jetës, (kjo të paktën në 70% të rasteve), me pasoja negative në zhvillimin psiko-motor të trurit dhe izolimin social. Në dy nga tre persona të prekur, sëmundja shfaqet para pubertetit. Në 30% të rasteve, të gjitha llojet e epilepsive janë rezistente ndaj ilaçeve, prej këtyre vetëm 10-15% e rasteve mund të operohen. Në këto raste, sa më parë të ndërhyhet, aq më e lartë është mundësia e shërimit. 8 shkurti njihet si dita botërore e epilepsisë dhe në kuadër të kësaj dite mjekët neurologë bëjnë më tepër apel për kujdesin shëndetësor ndaj fëmijëve, edhe për shkak pasojave. “Personat e prekur nga epilepsia sot e kësaj dite janë viktima të paragjykimeve dhe kufizimeve për shkak të sëmundjes”, -nënvizon Federico Vigevano, drejtor i Departamentit të Neuropediatrisë, në spitalin italian “Bambino Gesù”. Sipas të dhënave, epilepsia prek 1% të popullsisë. Një e treta e të sëmurëve i reziston trajtimit medikamentoz, prej të cilëve 10-15% janë të operueshme. Ndërhyrja kirurgjikale është e këshillueshme vetëm nëse zona epileptogjenike, (zonë e trurit përgjegjëse për krizat), është e kufizuar dhe largimi i saj nuk shkakton deficite neurologjike.
U thirr në SPAK dy ditë më parë, deputeti socialist Jurgis Çyrbja dorëzon mandatin
Deputeti i Partisë Socialiste, Jurgis Çyrbja ka dorëzuar mandatin e deputetit, dy ditë pasi u paraqit në Prokurorinë e Posaçme....
