Epidemiologu shqiptar, Ilir Alimehmeti ka dhënë dy lajme të mira lidhur me pandemin e koronavirusit.
Përmes një postimi në rrjetet sociale, Alimehmeti shkruan se po provohet se Kina ka gënjyer për periudhën kohore të origjinës së virusit dhe së dyti, ai thotë se virusi është bërë shumë më i butë.
Postimi i mjekut epidemiolog Ilir Alimehmeti
Dy lajme shumë të mira miqtë e mi!
1.Origjina kohore e SARS-CoV-2 daton ndërmjet datës 8 tetor 2019 dhe 11 dhjetor 2019.
Pse është e rëndësishme?
-Sepse zbulon qartë se Kina gënjeu dhe tregoi kurba të shtrembëruara të epidemisë.
-Mbi gënjeshtrat kineze u bazuan edhe 4 supermodelet e projeksioneve, më i famshmi Ferguson et al., të cilat detyruan të gjithë shtetet të zbatonin lockdown-et dhe bllokimin e lëvizjeve.
-Siç është thënë edhe më parë, projeksionet bazohen mbi të dhëna të mëparshme.
Nëse ato janë gënjeshtra, edhe modelet janë gënjeshtra, si rrjedhojë masat shtetërore kanë qenë të keqinformuara prej tyre.
-Në ambientet teknike përdoret shprehja “Garbage in! Garbage out!”.
2.Në 198 zona të ndryshme gjeografike të botës, virusi po i nënshtrohet përshtatjes me njerëzit, duke u zbutur.
-Tani mund ta themi me plot gojën qe virusi është shumë më i butë se më parë, dhe mund ta themi bazuar mbi evidenca dhe jo mbi thashetheme.
Forca miqtë e mi!
Natyra dhe imuniteti njerëzor ka qenë gjithnjë më të fortë se masat shtetërore!
Miliona vite evolucion janë mbrojtje shumë më e fortë se dy-tre muaj mbyllje shtetërore!
