Epidemiologu Dritan Ulqinaku ka thënë në “ABC-në e Mëngjesit” se në javët në vazhdim nuk pritet një rritje më e madhe e shifrave të infeksioneve me koronavirus, pasi tashmë prej javësh jeta po vazhdon normalisht.
Ai shpjegoi këtë trend lidhur me faktin që për sa kohë nuk do të kemi rritje të kontakteve, nuk do të ketë as rritje të shifrave më shumë se aktualisht.
Ai ka sqaruar dhe përse u ndalua muzika.
“Muzika ndalohet nga frika. Unë e kam thënë që çdo ndalim është një dështim. Është fakt që presioni i ISHSH prej pamundësisë për t’i kontrolluar mund ta ketë sjellë këtë…”.
Lidhur me rekomandimin e OBSH që të nisë vaksinimi i popullatës për gripin stinor, ai tha se ISHP nuk e ka nisur ende këtë proces, për shkak se nuk ka vaksina, ngaqë nuk është bërë shpërndarja e vaksinës nga kompanitë e mëdha farmaceutike.
