Përfaqësuesja e Shqipërisë në Eurovizion këtë vit Eneda Tarifa ka zbuluar disa nga veshjet e saj për këtë event, të realizuara nga kuratorja e imazhit të saj, Bora Kokëdhima. Fotot janë bërë në sheshxhirimin e videoklipit në Theth.
“Kjo është 1 nga 10 veshjet e Enedës në Eurosong 2016 dhe titullohet “Cika e Tropojës”. Duam të sjellim copëza të Shqipërisë në mënyrën më moderne të mundshme si në look ashtu edhe në sheshxhirime”- shkruan Bora, vajza e deputetit socialist, Koço Kokëdhima.
Ndërsa Eneda shkruan se “Me shumë dashuri ju prezantoj copëzën e parë të një koleksioni fotosh përrallë, si vetë natyra e vendit tonë. Një ndërthurje e natyrës së virgjër me klasiko-modernen. Një punë e mrekullueshme dhe një eksperiencë që do ta përsërisja me dëshirë diku në një vend tjetër me po të njëjtët bashkëpunëtorë”- ka thënë Eneida.
