Vetëm një javë pas betimit të SPAK-ut, drejtuesi Arben Kraja ka bërë kërkesë për plotësimin e vakancës me dy prokurorë të rinj. Abcnews.al ka mësuar se Kraja ka propozuar prokurorët, Vladimir Mara dhe Dritan Prençi.
Kraja i ka kërkuar zyrtarisht KLP-së që të plotësohet numri 10 i prokurorëve të SPAK, siç parashikohet në Kushtetutë. SPAK u ngrit fillimisht me 8 prokurorë, por drejtuesi ka të drejtë të kërkojë caktim të përkohshëm të prokurorëve të tjerë.
Burimet thanë se KLP-ja po diskuton në mbledhjen e sotme kërkesën e bërë nga drejtuesi i SPAK, për komandimin e prokurorëve Prençi dhe Mara në strukturen e SPAK-ut.
Gjithashtu në pritje për të qënë pjesë e SPAK janë 4 prokurorë që u zgjodhën nga KLP si pjesë e listës me 15 anëtarë. Katër prokurorët janë: Anita Jella, Anton Martini, Doloreza Musabelliu dhe Elisabeta Imeraj./abcnews.al
*Kërkesa e Arben Krajes derguar KLP-se
