Dy këngëtaret e Jazz-it, po bëjnë lajmërimet e fundit për ata që do t’i ndjekin në aventurën e kësaj fundjave në koncertin protestë
2E, Elina Duni dhe Eda Zari, janë shpallur “heroinat” e bjeshkëve të Valbonës, pasi do organizojnë ditën e shtunë një protestë kundër ndërtimit të HEC-ve në Valbonë. Me 29 në Valbonë e me 30 në Tiranë, dy këngëtaret shqiptare me famë ndërkombëtare, 
me këngë i kërkojnë qeverisë, të ndalë shkatërrimin e Valbonës.
Përmes një njoftimi në facebook, Eda Zari e Elina Duni lajmërojnë të gjithë ata që duan ta kalojnë këtë fundjavë në Valbonë përmes këngës dhe protestës kundër hidrocentraleve në luginën e Valbonës. Dy këngëtaret njoftojnë për autobusët që janë në dispozicion për ata që do t’i ndjekin në këtë aventurë drejt Valbonës. Dy E-të kanë një këshillë për protestuesit, që të marrin me vete bukë e djathë “se atje shijon shumë”.
“Ju presim në Valbonë e Tiranë kët’ fundjavë! Infot për autobuzat për Valbonë këtu poshtë. Merrni bukë e djathë me vete se shijon shumë atje lart. Dashni. E + E”, shkruan Elina në facebook.
