Ka përfunduar takimi i parë eliminator për Kupën e Botës 2019 i ekipit Kombëtar të femrvave në futboll të luajtur kundër Zvicrës. Në sfidën e zhvilluar në “Elbasan Arena” vajzat kuqezi janë mundur me rezultatin 1-4 ndaj helvetëve.
Ndeshja është zhbllokuar në minutën e 23-të nga futbollistja Brunner, ndërsa pak minuta më pas Bachmmann ka dyfishuar shifrat duke ia bërë mjaft të vështirë vajzave të drejtuara nga Amir Grima. Pjesa e parë do të përfundonte vetëm pas golit të Crnogorçeviç në minutën e 41-të pas një realizimi të saktë të penalltisë.
Në të dytën sërish zviceranet do të shënonin me anë të Dickenmann në minutën e 67-të duke dërguar shifrat në 0-4. Golin e nderit për vajzat kuqezi e shënoi Begolli në minutën e 81-të. Gol që do të vuloste shifrat përfundimtare të takimit.
