Elhaida Dani ka falenderuar të gjithë ata që e kanë ndihmuar me këngën dhe pjesëmarrjen në Këngën Magjike ku u rendit e dyta dhe fitoi Çmimin e Kritikës.
Përmes një statusi në facebook ajo zbulon se familia e saj ka qenë kundër kësaj pjesëmarrjeje, ndërsa tregon se ajo vetë është shumë e lumtur, pavarësisht se nuk u shpall fituese.
“Të ngjitesha në atë skenë për mua ka qenë një përgjegjësi e madhe! Në fillim stafi dhe të afërmit e mi ishin të gjithë kundër kësaj pjesëmarrjeje në KM. Më thonin që po rrezikoja shumë… Por, unë e dija që këtë këngë që një natë më kishte frymëzuar të kompozoja doja ta këndoja në një skenë të madhe shqiptare! Dhe nuk mund të jem më e lumtur se sa sot! Kam marrë nga ky festival më shumë se sa çmime. Kam marrë dashurinë tuaj dhe sot ndihem akoma më afër jush që më mbështesni prej vitesh“, shkruan Elhaida.
