Në ruajtje të rendit 306 policë nga Tirana dhe Elbasani
Dita e Verës ka rritur shkallën e gatishmërisë së policisë në qytetin e Elbasanit. Për mbarëvajtjen e festimeve gjatë ditës së nesërme sipas policisë së qytetit do të angazhohen 306 forca policie, disa prej të cilave edhe nga Tirana. Në një njoftim për shtyp thuhej se “Policia e Elbasanit do të kalojnë në shërbim të përforcuar për zhvillimin sa më normal të aktiviteteve festive. Për të përballuar me sukses festimin sa më normal të Ditës së Verës, në ndihmë të shërbimeve të Policise Elbasan, do te vihen ne dispozición dhe forca nga Policia e Tiranës”. Në gatishmëri ka kaluar edhe policia rrugore që do të kontrollojë të gjitha akset me qëllim për të bërë të mundur qarkullimin normal të mjeteve gjatë zhvillimit të aktiviteteve. Sipas planit të masave të ndërmarrë nuk do lejohet lëvizja apo parkimi I mjeteve në akset nga Stadiumi deri tek 1 Maji dhe nga stadium deri tek Pallati i Sportit.
