Policia e Elbasanit ka arrestuar një 36-vjeçar pasi iu sekuestruan gjatë kontrollit në makinën e tij një shumë prej 2800 eurove, të cilat dyshohen se janë të falsifikuara.
Në pranga të policisë, Reshat Zekthi, 36 vjeç banues në Belsh, arrestimi i tij është bërë në Lagjen “Emin Matraxhiu” pranë një karburanti duke drejtuar mjetin tip “Toyota”.
Në lidhje me këtë rast janë proceduar dhe dy persona të tjerë, të cilë dyshohen se kanë lidhje me falsifikimin e kartmonedhave. Të proceduarit janë B.H, 49 vjeç dhe K.V, 66 vjeç të dy banues në Kuçovë.
Njoftimi i plotë i policisë:
Goditet një tjetër rast i falsifikimit të monedhave. Arrestohet në flagrancë një shtetas dhe proçedohen penalisht dy të tjerë.
Policia e Elbasanit, gjatë kontrollit të automjetit i gjen dhe i sekuestron 2800 Euro të dyshuara të falsifikuara.
Specialistët e Sektorit për Hetimin e Krimit Ekonomik dhe Financiar, në Drejtorinë Vendore të Policisë Elbasan, mbi bazën e informacioneve të marra në rrugë operative bënë arrestimin në flagrancë të shtetasit: Reshat Zekthi, 36 vjeç banues në Belsh.
Materialet i kaluan Prokurorisë Pranë Gjykatës së Shkallës së Parë Elbasan për veprime të mëtejshme për veprën penale “Falsifikimi i monedhave, i kryer në bashkëpunim”, parashikuar nga neni 183/2 i Kodit Penal.
