Një aksident me pasojë 4 persona të plagosur është regjistruar në qytetin e Elbasanit.
Ngjarja ka ndodhur në aksin rrugor Elbasan- Metalurgji, në afërsi të një pike karburanti, ku Agron Dema, 24 vjeç, duke drejtuar në gjendje të dehur mjetin tip “Ford” veturë me targa AA 300 PD është përplasur me një mjet tip “Ford” me targa AA 531 TB drejtuar nga S.S., 24 vjeç.
Pas aksidentit të plagosurit janë dërguar me urgjencë në spitalin Kirurgjik të Elbasanit për të marrë ndihmën e nevojshme mjekësore, ndërsa raportohet se ndodhen jashtë rrezikut për jetën.
Policia e cila shkoi në vendin e ngjarjes ka bërë të mundur arrestimin e 24 vjeçarit Agron Dema, banues në fshatin Bradashesh, Elbasan.
