Përplasje me armë mes forcave të policisë së shtetit dhe fisit Çapaj. Këta të fundit mësohet se kanë qëlluar me armë mbi policinë në orët e mbrëmjes së sotme pranë hotel Univers. Policia ka shoqëruar dy prej tyre në Komisariat, ndërsa po vijon puna për kapjen e një tjetri. Nga të shtënat me armë nuk ka të lënduar në radhët e uniformave blu. Burime nga vendi i ngjarjes bëjnë me dije se kanë qenë katër policë pa uniformë me makinë private në mision vëzhgimi. Ata kanë kaluar disa herë me makinë para hotel Univers.
Një fakt i tillë është vënë re nga Çapajt, të cilëve u kanë lindur dyshime se mund të jenë hasmit. Ata janë vënë në ndjekje të makinës private të policisë dhe kanë qëlluar mbi ta. Sakaq policia e Elbasanit në bashkëpunim me Prokurorinë e Rrethit po bëjnë kqyrjen e vendit të ngjarjes. oranews
