Policia e Elbasanit ka arrestuar dy persona pasi u kishin dhënë para dy të miturve për të dëmtuar pajisjet e këndit të lojrave të biznesit konkurent
Në pranga kanë rënë shtetasit Aurel Braçja, 24 vjeç dhe Ymer Braçja, 54 vjeç.
Policia sqaron se “Arrestimi i tyre u bë pasi dyshohen të kenë paguar dy shtetas të mitur me qëllim që të dëmtojnë për arsye konkurrence pajisjet në këndin e lojërave në pronësi të shtetasit F.K, 56 vjeç banues në Elbasan. Gjithashtu ka filluar procedimi penal në gjendje të lirë ndaj dy shtetasve të mitur: K.K, 15 vjeç dhe J.P, 16 vjeç, të dy banues në Elbasan”
Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Shkatërrimi i pronës kryer në bashkëpunim” dhe “Shkatërrimi i pronës me zjarr, mbetur në tentativë”.
