Gjykata e Elbasanit ka dhënë vendimin për dy autorët që ekzekutuan Madrid Ulqinakun. Bëhet me dije se pas shqyrtimeve të të gjitha materialeve, trupa gjykuese ka dhënë masën e arrestit me burg për 18-vjeçarin Horgito Peqini, që akuzohet për vrasjen e 33-vjeçarit Madrid Ulqinaku. Ndërkohë e njëjta masë është dhënë edhe ndaj mikut të tij Klaudjan Sallufi 33-vjeç.
Kujtojmë se, ngjarja ndodhi pak ditë më parë kur Horgito Peqini dyshohet se ka qëlluar me armë zjarri për motive te dobëta 33- vjeçarin Ulqinaku. Horgito Peqini 18-vjeç, është nipi i Eduard Peqinit, kreu i bandës më të rrezikshme të Elbasanit në vitin 1997 i njohur si “Mandela i Elbasanit”.
Në pranga për këtë krim është vënë gjithashtu dhe Ejden Dino. Policia thotë se fillimisht këta tre persona janë konfliktuar verbalisht me Ulqinakun, ndërsa më pas 18-vjeçari Horgito Peqini dyshohet se e ka qëlluar me armë zjarri pistoletë dhe si pasojë 33-vjeçari ka ndërruar jetë.
