Një 23-vjeçar shqiptar ka rënë në prangat e forcave speciale gjermane për vrasjen e një të riu në Gjermani. Shqiptari u arrestua nga forcat speciale në Gelsenkirchen pasi kërkohej prej 2 javësh për vrasjen e 31-vjeçarit turk në Kiel. Sipas policisë dhe prokurorisë, 23-vjeçari u arrestua nga njësitë speciale në Gelsenkirchen pasditen e sotme. 23-vjeçari nuk ka bërë rezistencë ndaj arrestimit, ndërsa pritet që të dërgohet para gjykatës. Pas vrasjes ai u shpall në kërkim ndërkombëtar pasi autoritetet gjermane i druheshin arratisjes së tij për në Shqipëri.
Policia nuk ka dhënë detaje se ku është fshehur dy javët e fundit 23 vjeçari.
Ngjarja ndodhi mbrëmjen e 28 qershorit pak para mesnate në rrugën “Gustav-Schatz-Hof” në qytetin e Kielit, ku shqiptari ka qëlluar disa herë mbi 31-vjeçarin turk, i cili ndërroi jetë në spital pavarësisht përpjekjeve të menjëhershme të mjekëve për ta shpëtuar. Pas ngjarjes, i riu shqiptar u larguar nga skena e krimit në drejtim të paditur. Ndërsa autoritetet gjermane e shpallën në kërkim duke ofruar një shpërblim prej 3 mijë euro për këdo që jep informacion. Ndërsa autori Fisnik Hoxha u arrestua pasditen e sotme nga forcat speciale gjermane.
