Është ekzekutuar pak para mesnatës së djeshme, një nga anëtarët e lartë të klanit mafioz malazez “Skaljar“. Miliq Minja Shakoviq, është vrarë në Budva, shkruan “Vijesti”.
Sipas informacioneve ai është ekzekutuar teksa ishte i ulur në një nga lokalet e Budvës nga një person i veshur me këmishë të bardhë. “Vijesti” shkruan se një person që ishte ulur në tavolinën pranë tij, i cili nuk ishte i maskuar ka qëlluar Shakoviq.
Sipas mediave, për shkak të luftës së gjatë mes klanit mafioz Skaljar” dhe “Kavac”, Shakoviç ishte shumë i kujdesshëm. Ai dilte rrallë nga shtëpia, duke përdorur vetëm një makinë të blinduar dhe duke lëvizur vetëm i shoqëruar nga badigardë.
Milic Minja Shakoviç në dokumentet e policisë konsiderohej si një anëtar i lartë i “klanit mafioz të skaljar”, por edhe drejtues i degës së bandës në Podgoricë, i cili ka qenë disa herë në shënjestër të vrasësve nga klani rival gjatë viteve të fundit.
Shakoviqi i mbijetoi një atentati më 8 shtator 2017, pasi u qëllua me pesë plumba teksa ndodhej në një lokal në qendër të Podgoricës, dhe po priste të merrte makinën nga lavazhi. Në mesin e dhjetorit 2017, dy muaj pasi i kishte mbijetuar plagëve të marra, Shakoviq raportoi në polici se po ndiqej nga një burrë me biçikletë nëpër rrugët e Zagoricës, i cili dyshohet se kishte ardhur për ta vrarë.
