Arrestohen dy autorët e dyshuar të vrasjes së Abdulla Budllës në Fushë-Prezë, ngjarje e ndodhur tre ditë më parë. Dy të arrestuarit janë vëllezërit Sajmir dhe Arsil Shera.
Gjatë operacionit, Policia gjeti dhe sekuestroi edhe mjetin që kanë përdorur dy vëllezërit për të kryer krimin.
Sajmir Shera njëri prej dy vëllezërve të arrestuar ditën e sotme si autor i vrasjes së taksistit 71-vjeçar, Abdulla Budlla rezulton të ketë qenë i dënuar më parë.
Ata kanë mohuar të kenë lidhje me ngjarjen, ndërsa pritet të merren sërish në pyetje gjatë ditës së sotme.
Policia dyshon se konflikti mes tyre ka nisur për motive të dobëta, por nuk përjashtohet pista se ata mund të jenë edhe vrasës me pagesë.
