Ekspertët e mjekësisë kanë rapotuar tek Kryeministri në lidhje me situatën nga koronavirusi.
Specialistja e ISHP, Silva Bino tha se situata nuk duket aq keq, pasi janë 3-fishuar numrat e testeve, ndërsa shtoi se janë ritrajtuar mjekët e familjes.
Drejtoresha e ISHP-së Albana Fico tha se po shikojnë situatën me kujdes, kurse ka shtuar se duhet të angazhohemi në një fushatë të komunikimit të mëtejshëm.
Ndërsa drejtoresha e Infektivit Najada Como u shpreh se po punojnë me të gjithë pacientët e se po kryhen mjekime me mjetet më të mira, njësoj si në Perëndim.
Silva Bino, specialiste e ISHP: Situata duket jo keq. Ne kemi 3-fishuar numrin e testimeve këtë muaj. Dje kishim 3 përqind pozitivitet e ky është një indikator që duhet ta ruajmë. Rastet duhet të gjenden në mënyrë aktive. Ne kemi ritrajnuar mjekun e familjes.
Kemi dy qytete ku ka më shumë infeksione si Tirana e Kruja dhe në Shkodër kemi evidetuar raste. Zonat e gjelbërta janë pa raste. Ne do të bëjmë tampone edhe në këto zona për të vërejtur më mirë situatën.
Albana Fico, drejtoresha e ISHP: Po monitorojmë me kujdes situatën. Po rrisim testimet. Mendoj se duhet të angazhohemi në një fushatë të komunikimit të mëtejshëm. Shifrat deri tani janë inkurajuese. Kemi shumë pacientë të shëruar.
Edi Rama: E vetmja gjë që mbetet shqetësim është transporti urban ose me furgonë. Po shikojmë të gjejmë një formulë në lidhje me këtë. Pjesa tjetër do të clirohet ndjeshëm, kuptohet duke eliminuar grumbullimet me më shumë se 10 persona e tjerë. Jemi tërësisht të ekspozuar. Prandaj, duhet që njerëzve t’ju përcjellim më shumë sensibilizim.
Najada Como, drejtoreshë e Spitalit Infektiv: Ne jemi duke punuar shumë ndaj të sëmurëve me koronavirus. Ne po asistojmë me ilace si në botën perëndimore.
https://www.facebook.com/edirama.al/videos/666912320815961
