Jo pak, por rreth 600 refugjatë të tjerë druhet Ankaraja zyrtare se do t’i shtohen atyre milionave që tashmë gjenden në territorin e Turqisë. Sipas zëvëndës kryeministrit turk, Numan Kurtulmush, skenari më i keq që mund të ndodh në rajon në një kohë të shkurtër është një fluks prej 600 mijë refugjatë drejt kufirit turk. Sipas numrit dy te qeverisë turke eksodi masiv ka nisur pas ofensivës së ditëve të fundit të rregjimit të Bashar Al Asadit ne Alepo. Në këto sulme ai po mbështetet dhe nga forcat ruse. “Mijëra persona po ia mbathin nga Siria, por qëllimi ynë është që këtë “dallgë” emigrantësh ta mbajmë nga ana tjetër e kufirit të Turqisë sa më shumë të mundemi, duke iu garantuar shërbimet e nevojshme aty. Rreth 30 mije refugjatë janë ndërkohë në zonën kufitare të Oncupinar prej disa ditësh. Ata rrijnë aty me shpresën që të mund të hyjnë në Turqi, por deri më tani Ankaraja ka lejuar vetëm hyrjen e rasteve të urgjencave shëndetësore. Në Turqi gjenden aktualisht mbi 2.5 milion refugjatë lufte sirianë.
“Washington Examiner”: Lufta ligjore në Shqipëri, si e ndihmoi Biden narkoshtetin e preferuar të Sorosit
"Washington Examiner", përmes një artikulli të gjatë, analizon se si administrata e ish-presidentit amerikan, Joe Biden, ndihmoi narko-shtetin e Edi Ramës,...
