Ish-konkurentja e “Përputhen” Efi Dhedhes është bërë pjesë e edicionit të dytë të “Big Brother VIP”. Ndërkohë vetëm dy ditë pas nisjes së emisionit, ajo ka zgjedhur të ndajë me banorët një histori tronditëse. E trishtuar, Efi thotë se ka kaluar një periudhë të vështirë, ku donte të hiqte dorë pasi ishte lodhur nga çdo gjë.
Madje, vajza brune tha se donte t’i jepte fund jetës, por në atë momente mendonte për familjen, duke gjetur zgjidhjen më pas te psikologu, duke qenë një person që kur i flasin nuk dëgjon.
“Kam pasur një 4-vjeçar shumë të rënduar këto vitet e fundit ku cdo gjë mundohesha ta kaloja vet, ta akumuloja deri në një pikë ku arrita sa thjesht doja të hiqja dorë.
Mendoja dhe për vetëvrasjen por mendoja dhe për familjen. E kisha atë llogjikë por nuk mendoja për veten time.
Erdha një pikë sa nuk doja asgjë, doja të flija vetëm gjumë, të mos dilja nga shtëpia të mos bëja asgjë.
Nuk isha e lumtur me pak fjalë nuk doja asgjë nuk më lumturonte asgjë.
Në momentin që u dëgjua kjo pjesa e BBVIP gjeta një arsye e thashë unë kështu si jam nuk futem dot aty brenda kështu që më duhet patjetër të shkoj te një psikolog meqë nuk ka dhe asnjë rrugë tjetër. Meqë jam dhe një tip që kur më flet nuk dëgjoj asnjë.
Kur jam me ato mendimet e mia, them nuk më bëjnë të cohem nga vendi kështu që shkova tek psikologia”, u shpreh Efi.
