Nga Arben Llalla
U nis për në Shtetet e Bashkuara, sepse premtoi që do të shkonte të gjente vaksinën e COVID-19. Por, në fakt është e qartë që ka shkuar për të gjetur udhët e komunikimit administratën amerikane në prag të zgjedhjeve të 25 prillit, të cilat do ta largojnë nga pushteti, nëse zhvillohen të lira.
Ajo që dihet është se Edi Rama në Shtetet e Bashkuara nuk takoi një prift të thjeshtë ortodoks, por Aleksandros Karlucos, komisionerin e Kishës Ortodokse greke të SHBA i cili është këshilltar personal i Kryepeshkopit të kishës greke (fotoja e shkrimit).
Ka mundësi që Komisioneri i Kishës greke t’i ketë ripërsëritur Ramës premtimin e vitit 2015 për ndërtimin në majë të Llogarasë e Manastirit të Shën Kozmait.
Kërkesa për manastirin grek në Llogara është bërë nga prifti tjetër ortodoks nga Dhërmiu, kryetar i lobit greko-himariot, Kozmas Karavelas, i cili është kunati i Aleksdandors Karlucos, kurse Aleksandri është babai i Michael Karlucos që shërbeu në ekipin e Presidentit Trump.
