Holanda është bërë vendi i fundit që pezullon përdorimin e vaksinës së koronavirusit AstraZeneca, për shqetësimet e ngritura, në lidhje me efektet anësore të mundshme.
Qeveria holandeze tha se masa, e cila do të zgjasë të paktën deri më 29 mars, ishte paraprake. Në një deklaratë, qeveria holandeze tha se po vepronte nga masa paraprake pas raporteve nga Danimarka dhe Norvegjia për efektet e mundshme anësore serioze. “Ne nuk mund të lejojmë asnjë dyshim në lidhje me vaksinën. Ne duhet të sigurohemi që gjithçka është në rregull, kështu që është mençuri të ndalemi tani.” tha ministri holandez i Shëndetësisë Hugo de Jonge.
Republika e Irlandës më parë mori një vendim të ngjashëm, në lidhje me raportet e mpiksjes së gjakut tek të rriturit në Norvegji. Danimarka, Norvegjia, Bullgaria, Islanda dhe Tajlanda tashmë kanë ndaluar përdorimin e vaksinës AstraZeneca.
Organizata Botërore e Shëndetësisë thotë se nuk ka asnjë rrezik të mpikjes së gjakut, nga kjo vaksinë. Agjencia Evropiane e Barnave (EMA) – e cila aktualisht po kryen një rishikim të incidenteve të mpiksjes së gjakut – thotë se përfitimet e vaksinës vazhdojnë të tejkalojnë rreziqet e saj, raporton BBC.
